Wednesday, December 5, 2012

විගහින් පෑයූ සඳවතට...







දේදුන්නේ පා‍ට අරං
මහ හුළඟක් වගේ ඇවිත්
අදහගන්න බැරි නිමේෂයක
හිත් මානේ නතර වෙලා
විසිරුණු පිටු එකතු කරලා
ලස්සන පුංචි සිතුවමක්
අපූරුවට පින්තාරු ගන්වලා
ඔය හිතේ රන්ද ගන්න
හිතුනේ මන්දැයි කියලා
හීන් සැරේ කියනවද මට......?



                                                                                                  Cameelia

 

Friday, July 13, 2012


බටලී වයන්නෙනි නුඹටයි මේ වදන් ...





නූල් ඇදුනු කමිසයක් ඇඳගෙන
අත් දෙකට මැදිච්ච බඩ වියත රැකදෙන
වටිනාම වස්තුව බටනලාව දෑතින් අරගෙන
උදේ පාන්දර නුඹ බසයට ගොඩ වෙනකොට
ඇත්තටම හදවතින් සතුටු වෙනවා මම
දවසම හිත සනසන අපූරු නිවිච්ච සංගීතය
අපට තිළින කරලා වැඩිමනත් මුකුත් නොකියා
ලැබෙන ගාන එකතු කරන් නුඹ බැහැලා යන්නේ
පුංචි දරු පැටව් ටිකකගේ කුසගින්න
නිවන්න බව මුහුනෙන්ම පේනවා මට...
අතට එකතු වෙන සල්ලි ටිකට අමතරව
අපේ ඇස් වලට එකතු වෙන පුංචි කඳුළු කැට,
නුඹේ වාදනේ අහලා කලබල හිත් වලට දැනෙන සැනසිල්ල
නුඹටයි නුඹේ දරු පැටවුන්ටයි
ආශිර්වාදයක්ම වෙන්න ඕන ...




                                    Cameelia


Wednesday, July 11, 2012

නොහැක මා හට ...








පලක් වෙද ලං වෙන්න බැරි ලෙස
සිව් දිගම කොටු පවුරු බැඳගත්
නුඹේ ඇරයුම් ආදරේ ...
ලංව ඉන්නට නොහැක මා හට
නුඹේ සෙවනැල්ල අභියස
ඉතින් කිසිදා ජීවිතේ ...



                                    Cameelia

Monday, May 14, 2012

විගහින් පායන්න සඳවත...








රැය තවම අඳුරුයි මට
තරු පොකුරු පීදුනත්
දස අතේ මහ හුඟක්..
හදවතට වෙහෙසයි වගේ
නිහඬව බලා උන්නත්
නුඹ තවම හැංගී බැවින්..
ඉතිං සඳවත..,
තව අගේ නොකරම
පායන්න දැන් ලොබ හැර
නිහඬ ඝණදුර දුරු කර
නුඹ වඩින තුරා
මගේ සිත නොඉවසිල්ලලෙන්...



                                                                   Cameelia

බැඳීම්...







බැඳීම්...
මුලදි - තැන්පතුවක් ඉහල පොලී සහිත
මැදදි - තැන්පතුවක් පොලී රහිත
අගදි - තැන්පතුව රාජ සන්තකයි
හැමෝම හිස් අතින්..
ඕක කොච්චර දැන දැනත්
මිනිස්සු ඉවරයක් නැතුව ගොඩ ගහන්නෙත් එච්චරයි..
බැඳීම්...



                                          Cameelia

ආදරයට...,








අතීතය ගැන නිනව්වක් නොමැතිව
අනාගතය ගැන බලාපොරොත්තු විරහිතව
දැන් ගෙවෙන වර්තමානය ගැන ඕනාවටත් වඩා කල්පනා කර
හදවත් පතුලේ උපදින ආදරය..,
කිමද නුඹට නොහැකි කල් යල් බලා
දුක් කම්කටොළු සියල්ල දුරු කර
ඉන්ද්‍රඛිලයක් සේ විකසිත වන්නට
දිය දෙබෑකර සෞම්‍ය හිරැ රැස් අභියස..
ඉතින්..,
දුකක් නොම වේවි නේද
ඒ අහිංසක හදවත් වලට..


                                             Cameelia

Wednesday, April 25, 2012

දයාබර සරත් අයියාට,









මේඝ ගර්ජනා වැසි වට අඳුරු දිනක
කඳුළු වගුරවා හදවත් සුනු විසුනු කර
කිමද හැරයන්ට සිතුනේ අපෙ ලෙන්ගතුකම මදිවාද නුඹට..?
මින් මතු තබන පියවර ගානේ සිරිපාද හිමයට
සිහිවේවි නිරතුරුවම නුඹෙ උදව් කරුනා කරන්නට..
ලෝභයි පතන්න‍ට නුඹ හට නිවන් සුව
යළිඳු මුන නොගැහේවි සිතනා විට සසර ඉම..
දිරා ගියත් නුඹ දෙන මහ පොලොව යට
හදේ කොනක් සදහට වෙන්වී ඇත නුඹෙ මතකයට..
මතු යම් දිනක සිරී පතුල් නමදින්නට පෙරාතුව
එනවා සොයුර නුඹෙ දෙපතුල් වැදලා කලගුණ දෙන්ට..
නුඹ වන් පුතෙක්, සොයුරෙක්, මිතුරෙක්, මිනිසෙක් වෙන්වීම
මෙලොව ඉතිරි වූ අපගේ පව් පලදීමක්ය..
මිහිකුස සුවෙන් නිදනා අයියේ පෙර සුපුරුදු ලෙසට
පඩියක් පඩියක් ගානේ මළුවට යන තුරාවට
දෙවියෙක් වෙලා වත් වඩින්න අපෙ තනි නොතනියට..
සිරිපා බිමේ දෙවියෙක් වී වැඩ ඉන්ට
නුඹ කල පින් කන්ද ඕනාටත් වැඩිය...

ඉතිං පතන්නම් නුඹ හට අමා මහ නිවන් සුව....




.ලි. : 2012.04.18 දින බීමත් රියදුරු යක්ෂයකු නිසා අවසන් ගමන් ගිය අප මිතුරු එරත්නේ සරත් අයියා වෙනුවෙනි. අනතුරට පත් ප්‍රියංකා සොයුරියට ඉක්මන් සුවය ප්‍රාර්ථනා කරමු


Tuesday, March 20, 2012

මිරිඟුවක්ද...?






ආදරය...
ඇත්තටම මිරිඟුවක්...
පිපාසාවෙන් මිය යන්නට ලංව
දුර පෙනෙන දිය බිඳක් දෙස බලාන
අමාරුවෙන් ඇදි ඇදී ලංවෙන විට
කිසිවක්ම මුන නොගැ‍සෙන...
හදවත කීරි ගස්සන හුදකලාවම හැර...


                                                  Cameelia

අවසරද මට...






අහසට වැඩියි මේ බර
බොහොමත්ම...
සිව්දිගම අඳුරු කරගෙන
රිදී රේඛා මේඝ ඇතිකර
තුරු මුදුන් තණපත්ද පිසගෙන
පලා පැහැ කෙත් අස්වද්ද ගෙන
මිහිතලය වැලඳ ගැන්මට
ඉතිං අවසරද මට....,
මුතු වැස්සක්ව ඇද හැලෙන්නට....



                                             Cameelia

හිත නිදහසේ...





දෑඟිලි විදා නුඹ නිදහස් කර හැරියද
මටත් නොදැනීම අපේ හීන පොකුර
මිටි කරගෙන උන්නා මම මෙතෙක් කාලෙකට
හරිම වෙහෙසයි මට....
ටිකෙන් ටික ඇඟිලි දිග හැර
එකින් එක සිහින පා කර
හෑල්ලු කලා මම හදවතේ බර...
ඉතිං....
දැනෙනවා මට ලොකු වෙනසක්...
වෙලාවකට මහා නිදහසක්...
වෙලාවකට දරුණු හුදකලාවක්...
බලා ඉන්නවා මං.......
මගෙ නමට ලියවුන එකම එක සිහිනයක්
කවදාහරි හදවතේ ලැගුම් ගන්නා තෙක්
කිසිදා බිඳී දුරස් නොවන අයුරින්...



                                          Cameelia

සදාකාලිකයි...






ආලය නැගෙන්නේ හදවත් පතුලෙන් නම්..
රැඟුම් රඟන්නේ දිවියේ සදහට නම්..
එක්වූ දෙඅත් කිසිදා වෙන් නොම වේ නම්..
සැමදා මේ සතුට මේ ලෙස වැඩිවේ නම්..
සඳ හැංගුන රෑ යාමේ වුවද
තරු කැ‍ට අඳුර මකා දේවි..
පිවිතුරු ආදරයට දොර ගලගෙන යන්නට
සාක්කි දේවි මුළු ලොවටම..
ආදරය සදාකාලික බැදීමක් බවට...



                                                     Cameelia

අතීතේ...





අතිනත ගෙන ආදරයෙන් ලංව
කනට කර පෙම්බස් මිමිනූ
පෙම්වකුන් අද කොහි ගොසින්ද..?
නුඹ කොතෙක් විමසුවද
උන් උනුන්ගෙන් බොහෝ දුර ගිහින් අද..
නැවත එකට එක්ව වාඩිගනු නොහැකි තරමට..
ඉඳහිටක වෙන් වෙන්ව පැමිණ
නුඹ හා එක්ව මතකයේ සැරිසරන කල
සිහිකර දියන් බංකුව
උන් ගෙවූ අතීතෙක ලස්සන....


                                                       Cameelia

Friday, March 16, 2012

නමක් නෑ ...











ආත්මයේ සිරගත බව
ආත්මයේ නිවහල් බව
එකම කාසියේ දෙපැත්ත වගේ...
හිතක් ඇතුලේ ආත්මය සිරගත වූ වෙලාවට
නිහඬව හොඳින් සැරිසරලා බලන්න
ඒ හිත ඇතුලෙන්ම නිවහල් බවත්
ඔබට මුන ගැහේවි...
නිදහස් ආත්මයකින්
හදවතක සිරගත වන්න
නුඹේ ලොවට හිරු පායවී...
                                                    









                                                                                                                                                                                                             Cameelia

පන්නරය..








ගෙවුනු දිනයේ කඳුළු අතරින්
අතීතේ රුදු මතක මැද්දෙන්
ලබාපන් නුඹ තව තවත් පන්නරය...
එළඹෙන හෙට දවසේ
නැවුම් ලොව පිළිගන්න
හදවතින්ම මුවහත්ව...

                       
                                                   Cameelia

පුන් සඳට..,






පුළුං වලා ගැබට එහා
නොඉඳ සැඟව හැංගි හොරා
විගසින් පායන් පුන් සඳ
තරු කැට ඇත වෙහෙස වෙලා
නුඹ එන මඟ අහුරා උන්
අඳුරු වලා දිය කර දා...


                                                 Cameelia

 

නිදහස...









අතීතය දැන් ගෙවිලා ගිහින් ..
අනාගතය තව උදාවෙලා නෑ ..
ගෙවුනු අතීතේ මතක සිහි කර කර
අවිනිශ්චිත අනාගතයේ හීන මව මව
වර්තමානය රික්තකයක්ම ලෙස
අතීතෙට එක් වෙන්න ඉඩ දීම
ඇත්තටම අපරාදෙ නේද..?
'අද තමයි හොඳම දවස...'
දන්න අතීතයෙනුත්
නොදන්න අනාගතයෙනුත්
මම නිදහස් ...


                                                  Cameelia


Thursday, March 15, 2012

සුදු පුතේ ...







තාරුකා වියන් යට
සඳ කැල්ම ඉහිරිලා
සිනිඳු සළු පොරවගෙන
සුව යහනෙ සැතපිලා
කිරි සිහින අතරමැද
දොයියන්න සුදු පුතේ ...
හෙට දිනට අළුත් හිරු
සිත පුරා පැතුම් ගෙන
සුමුදු මල් ඇහැරවා
පෙරඹරින් නැගෙනා තුරා...


                                     Cameelia
 

කඳුළු මැද සිනහවක් ...










කඳුල නුඹ ඇස් කෙවෙනි අගිස්සේ එල්ලෙන
ඉඩනොදී ගලන්නට දෙකම්මුල් තෙමාගෙන
සීරුවට හැංගිලා බලාපන් ලස්සන
හංගගෙන කඳුළු වැල් සිනා මල් පුබුදන
අහිංසක ඇගෙ මුවේ පැහැය දෙස පින්බර...


                                                              Cameelia

Wednesday, January 25, 2012

සිත...








දැවී අළුවී මියෙන බව දැන දැනම
ගින්දරටම ඇදෙන මෙරු රැලක් ලෙස
හදවත රිදෙන බව හොඳහැටි දැනගෙනම
නුඹෙ ආලයම පතනා මගෙ මෝඩ සිත
දැන් දැන් දැවෙනවා පෙර සුපුරුදු ලෙසට....




                                                                     කැමීලියා




Tuesday, January 24, 2012

කිමද …...?









බැඳුනොත් නුඹෙ සිත වෙත සිත
නුඹ දුර යන හැම විටකම
තනිපංගලමේ හිඳ මම
වැලපෙමි දස දහසක් වර ...

නොබැ‍ඳෙන්නට නුඹෙ සිත වෙත
පිලින දහක් දුන් මගෙ සිත
ආල නුඹේ සිත අභිමුව
දුහුවිල්ලක් වන්නේ කිම …...?




                                                කැමීලියා