කැමීලියා මල් යාය: January 2013

Wednesday, January 30, 2013

සුපෙම්වතුනි..,

නිල් අහසට සඳ වඩින්නේ

සොලොස් කලා පුරමින්

මගේ අහසට නුඹ වැඩියේ

මටත් හොරා රහසින්

කලා නොපිරුවත් මගෙ සිත

නුඹට බැඳුනි දහසින්

සුපෙම්වතුනි.., කිසිම දිනක

බැස නොයන් මසිත අහසින් ....

Cameelia

හීන....

හදවත පිදුවේ කිසිදා රිදවන්න නොවේ ...

දෑඟිලි පැටලුවේ කිසිදා වෙන් වෙන්න නොවේ ...

නුඹ‍ට ලංවුනේ කිසිදා දුර යන්න නොවේ ...

නුඹෙ පාමුල හැබෑවන්න හීන අහුරු හිතේ තියේ ...

Cameelia

යාළුවනේ..,

මට හිතට දැනෙන හැමෝ එක්කම බෙදා ගන්න අමාරු ඒත් හිතට සමීපතම සිතුවිල්ල නිදහසේ දිග හැරෙන මගේම තැන තමයි මේ. ඉතින් බෙදා ගන්න කැමති අයව ආදරෙන් පිලි ගන්නවා මගේ මල් යායට. හැමදෙනාටම ගොඩක් ස්තූතියි බලන්න ආවට.